উদ্যোগ বুলিলে আমি সাধাৰণতে ভাৱো কোটিৰ হিচাপত টকা,শ-শ বিঘা মাটি,প্ৰকাণ্ড প্ৰকাণ্ড কাৰখানা আদি। কিন্তু এনে বহু ক্ষুদ্ৰ উদ্যোগৰ কথা আমি অৱহেলা কৰোঁ, যিবোৰ আমি নিজ ঘৰতে কম মূলধনেৰে,কম ঠাইতে,কম জনশক্তিৰে স্থাপন কৰিব পাৰোঁ।
আজি এনে কেইটামান ক্ষুদ্ৰ উদ্যোগৰ বিষয়ে আলোচনা কৰিম,যিয়ে আপোনাক দিব পাৰে এক সুকীয়া মৰ্যাদা।উল্লেখযোগ্য যে এনেধৰণৰ ব্যৱসায়ৰ বাবে আপোনাক উচ্চ শিক্ষা, বিশেষ কোনো ডিগ্ৰী-ডিপ্লমাৰ প্ৰয়োজন নাই।
পাতনিতে উল্লেখ কৰো,ব্যৱসায় এটা চলাই নিবলৈ আপুনি সদায় সৎ,সংযমী,ধৈৰ্য্যশীল হোৱাৰ খুব প্ৰয়োজন।লগতে ব্যৱসায়ৰ বাবে প্ৰয়োজনীয় নথি-পত্ৰ,অনুজ্ঞাপত্ৰ, বীমা আদিৰ ক্ষেত্ৰত সদায় সচেতন হোৱা দৰকাৰ।
১)মমবাতি তৈয়াৰী উদ্যোগ(Candle making industry):
উদ্যোগ স্থাপনৰ পৰিপ্ৰেক্ষিতত দেখিবলৈ পোৱা গৈছে যে মমবাতি তৈয়াৰী উদ্যোগ বৰ্তমান আটাইতকৈ জনপ্ৰিয় উদ্যোগ হিচাবে ভাৰতবৰ্ষৰ চুকে-কোনে গঢ় লৈ উঠিছে।ঘৰুৱা ব্যৱহাৰৰ উপৰিও গোটেই ভাৰতবৰ্ষত বিভিন্ন উৎসৱ-পাৰ্বণত মমবাতি ব্যৱহাৰ হয়।
মমবাতি তৈয়াৰী উদ্যোগত প্ৰথম মূলধন হিচাবে আপোনাক প্ৰয়োজন হব-
ক)এটা ক্ষুদ্ৰ উদ্যোগ গৃহ
খ)মমবাতি তৈয়াৰী এটা মেচিন
গ)কেঁচা সামগ্ৰী হিচাবে কিছু মম(wax) আৰু পেৰাফিন(paraffin)
ঘ)দৃষ্টিনন্দন আকাৰ দিবলৈ কিছুমান পাত্ৰ
ঙ)বিভিন্ন ৰং
২)বেকাৰী উদ্যোগ(Bakery industry):
ৰেষ্ট'ৰা সমুহৰ জনপ্ৰিয়তা বাঢ়ি অহাৰ লগে লগে বেকাৰীৰ প্ৰয়োজনীয়তা দ্ৰুত হাৰত বাঢ়িছে।
ক্ষুদ্র উদ্যোগ হিচাবে ঘৰতে বেকাৰী স্থাপন কৰি আপুনিও লাভৱান হব পাৰে। বজাৰ আৰু মানুহৰ খাদ্য ৰুচিৰ ওপৰত অধ্যয়ন একান্তই প্ৰয়োজন। অভিজ্ঞ কাৰীকৰৰ দ্বাৰা উচ্চ মানবিশিষ্ট খাদ্য তৈয়াৰ কৰি বজাৰলৈ উলিয়াই দিলে সমাদৃত নোহোৱাৰ কোনো শংকা নাথাকে।
বেকাৰী স্থাপনৰ বাবে আপোনাক প্ৰয়োজন হব-
ক)এটা উদ্যোগ গৃহ
খ)কেঁচা সামগ্ৰী হিচাবে আটা,ময়দা,বিভিন্ন তেল,কনী আদি
গ)বাচন-বৰ্তনকে ধৰি খাদ্য-সামগ্ৰী প্ৰস্তুতৰ বাবে সা-সৰঞ্জাম সমুহ
ঘ)কেইজনমান কাৰিকৰ।
Related:
'ফুড কাৰ্ট'ৰ ব্যৱসায়েৰে কেনেদৰে লাভৱান হব পাৰি জানিবলৈ ক্লিক কৰক
৩)বিন্দি তৈয়াৰী উদ্যোগ(Bindi making industry):
ঘৰতে খুব কম ঠাইতে, কম কষ্টৰে আৰম্ভ কৰিব পৰা এটা ব্যৱসায় হৈছে বিন্দি তৈয়াৰী উদ্যোগ।ভাৰতীয় মহিলাই পৰম্পৰাগত ভাৱে বিভিন্ন ডিজাইনৰ ফোটেৰে নিজক সজাই ৰাখে।বিন্দি হৈছে এটুকুৰা কোমল ভেলভেটৰ কাপোৰ, যাক কপালত লগাব পৰাকৈ পদ্ধতিগত ভাৱে সজাই তোলা হয়।
এই উদ্যোগত আপোনাক প্ৰয়োজন হব-
ক)বিন্দি তৈয়াৰী এটা মেচিন
খ)মসৃণ ভেলভেটৰ কাপোৰ
গ)উজ্জল পাথৰ
ঘ)আঠা আদি
৪)কাৰ্টুন তৈয়াৰী উদ্যোগ:(Cartoon making industry)
উদ্যোগীকৰণ আৰু আধুনিক সমাজ ব্যৱস্থাত আপুনি-মই সততে অনুভৱ নকৰা,কিন্তু প্ৰচুৰ পৰিমাণে ব্যৱহৃত এবিধ সামগ্ৰী হৈছে কাৰ্টুন। উদ্যোগ, কাৰখানা, দোকান-পোহাৰ আদিত দৈনিক অসংখ্য কাৰ্টুন ব্যৱহৃত হয়। কাৰ্টুন তৈয়াৰী উদ্যোগ স্থাপনেৰে আপুনি স্বাৱলম্বী হোৱাৰ কথা চিন্তা নকৰেনে?
আপোনাক প্ৰয়োজন হব-
ক)এটা উদ্যোগ গৃহ
খ)কাৰ্টুন তৈয়াৰী মেচিন
গ)কেইজনমান শ্ৰমিক
ঘ)কেঁচা সামগ্ৰী হিচাবে কাৰ্টুনৰ ক'ভাৰ কাগজ
Related article:
Wonderful benefits of being a tutor
৫) 'কটন বাড' তৈয়াৰী উদ্যোগ(Cotton bud making Industry:
'কটন বাড' হৈছে এডাল সৰু শলাৰ এমূৰে বা দুয়োমূৰে কোমল কপাহেৰে মেৰিওৱা এবিধ অত্যন্ত প্ৰয়োজনীয় সামগ্ৰী।
আমাৰ দৈনন্দিন জীৱনত বিভিন্ন প্ৰসাধন সামগ্ৰী লগাবলৈ, মুলতঃ কানৰ মলি চাফ কৰিবলৈ 'কটন বাড' ব্যৱহাৰ কৰা হয়। ক্ষুদ্ৰ উদ্যোগ হিচাপে আপুনি কটন বাড তৈয়াৰী উদ্যোগ এটা স্থাপন কৰি লাভবান হোৱাৰ সম্ভাৱনা প্ৰকট।
প্ৰয়োজনীয় সামগ্ৰী সমূহ-
ক)কটন বাড তৈয়াৰী এটা মেচিন
খ)কপাহৰ পৰা বীজানু নিষ্কাশনৰ ব্যৱস্থা
গ)কেঁচা সামগ্ৰী হিচাবে শলাসমুহ,কপাহ আদি
ঘ)পেকেটিঙৰ বাবে সঠিক জোখৰ পেকেট
৬) খাম,ফাইল আদি তৈয়াৰী উদ্যোগ(Envelope,file etc making Industry):
বৰ্তমান বিভিন্ন কাৰ্যালয়-কাছাৰী,শিক্ষানুষ্ঠান, অনুষ্ঠান-প্ৰতিস্থান আদিত খাম,ফাইল আদিৰ প্ৰয়োজনীয়তা অধিক।এনে চাহিদাৰ প্ৰতি লক্ষ্য ৰাখি আপুনি আপোনাৰ অঞ্চলত অতি কম খৰছেৰে খাম,ফাইল আদি তৈয়াৰ কৰিব পৰা উদ্যোগ গঢ় দিব পাৰে।
মূল প্ৰয়োজনীয় সামগ্ৰী সমূহ-
ক)খাম-ফাইল তৈয়াৰী মেচিন
(হাতেৰেও তৈয়াৰ সম্ভৱ)
খ)কেঁচা সামগ্ৰী হিচাপে ডাঠ-পাতল দুয়োধৰণৰ কাগজ
গ)আঠা আদি
৭)সাজ-পাৰ তৈয়াৰী উদ্যোগ(Garment making Industry):
আধুনিক সমাজ-ব্যৱস্থাত মানুহ অত্যন্ত সৌন্দৰ্য সচেতন আৰু সাজ-পাৰৰ ক্ষেত্ৰত বিলাসী হৈ পৰিছে। সাজ-পাৰ তৈয়াৰী উদ্যোগ বৰ্তমান অতি জনপ্ৰিয় আৰু লাভজনক হিচাবে পৰিগণিত হৈছে।নিজৰ সৃষ্টিশীলতাত ব্যৱহাৰেৰে আপুনি আকৰ্ষণীয় সাজ-পাৰ তৈয়াৰ কৰি বজাৰ দখল কৰিব পাৰে।
৮)মছলা জাতীয় সামগ্ৰীৰ পেকেটিং উদ্যোগ(packeting of various spices):
আমি দৈনিক বিভিন্ন মছলাজাতীয় সামগ্ৰীৰ সৰু সৰু পেকেট কিনি আনো।আপোনাৰ অঞ্চলত উপলব্ধ মছলা জাতীয় খাদ্য সামগ্ৰী সমূহ সংগ্ৰহ কৰি সৰু সৰু পেকেটত বিক্ৰী কৰি আপুনিও বজাৰ দখল কৰিব পাৰে।নকলেও সত্য যে মছলাজাতীয় সামগ্ৰীৰ চাহিদা অধিক আৰু ইয়াৰ ব্যৱসায় অত্যন্ত লাভজনক।
ইয়াৰ বাবে আপোনাক প্ৰয়োজন হব-
ক)কেঁচা সামগ্ৰী হিচাবে হালধি, জালুক,জিৰা,পকা জলকীয়া আদি।
খ)এটা খুন্দন যন্ত্ৰ(Mixer grinder)
গ)বিভিন্ন পেকেট
ঘ)পেকেটিঙৰ বাবে এটা মেচিন
ক্লিক কৰক-
মূলধন নোহোৱাকৈ কেনে ধৰণৰ ব্যৱসায় কৰিব পাৰে
৯) আইচ ক্ৰীম তৈয়াৰী উদ্যোগ(Ice-cream factory):
এক শকত উপাৰ্জন পাবলৈ আইচ ক্ৰীম তৈয়াৰী উদ্যোগ হল এটা উল্লেখযোগ্য ব্যৱসায়।কম মূলধনেৰে আৰম্ভ কৰিব পৰা এই ব্যৱসায়ত উপভোক্তা সকলক উচ্চ মানবিশিষ্ট খাদ্য যোগান ধৰাৰ খুব প্ৰয়োজন।
এই উদ্যোগৰ বাবে মূল প্ৰয়োজন-
ক) ৰেফ্ৰিজেৰেটৰ
খ)কেঁচা সামগ্ৰী হিচাবে গাখীৰ, ঘী,খাদ্যত ব্যৱহৃত ৰং আদি
গ)আকৰ্ষণীয় পাত্ৰ
ঘ)আইচ-ক্ৰীম কঢ়িওৱা ভান আদি।
১০)পাপড় তৈয়াৰী উদ্যোগ(Papad making Industry):
পাপড় এবিধ অতি সুস্বাদু আৰু জনপ্ৰিয় খাদ্য।পাপড় তৈয়াৰী উদ্যোগ এটা ঘৰতে কম খৰছেৰে গঢ় দিব পাৰি।সমগ্ৰ ভাৰততে মহিলা সকলৰ বিভিন্ন আত্ম-সহায়ক গোটে পাপড় তৈয়াৰ কৰি স্বাৱলম্বী হোৱাৰ লগতে মহিলা সবলীকৰণৰ ক্ষেত্ৰত হাত উজান দিছে। চৰকাৰী নাইবা বিভিন্ন বেচৰকাৰী সংস্থাৰ দ্বাৰা পাপড় তৈয়াৰ কৰাৰ প্ৰশিক্ষণ দিয়া হ'য়।
পাপড় তৈয়াৰী উদ্যোগৰ বাবে প্ৰয়োজন-
ক)পাপড় তৈয়াৰী মেচিন
খ)কেইগৰাকীমান শ্ৰমিক
গ)কেঁচা সামগ্ৰী হিচাবে ঘেঁঁহু,চাউলৰ গুৰি,মছলা,নিমখ,চ'দা আদি
ঘ)পেকেট
Related article:
How to increase your earnings through rental business
*ফটো সৌজন্য: Internet
Anindita Swornakar
SRB group of entrepreneurship
